O próximo día 2 de decembro temos unha nova actividade de voluntariado ambiental no Couto da Eirexiña. Desta volta seguiremos deseucaliptizando e desacaciando unha área degradada no monte comunal de Rebordelo.
E pola tarde, despois do xantar, realizaremos un roteiro interpretativo polo monte comunal.
Queres participar nesta actividade?
Se queres participar neste voluntariado ambiental podes inscribirte desde esta ligazón:
A data límite para a inscrición será o vindeiro xoves 30 de novembro, co fin de que poidamos ter tempo para preparar o xantar e a loxística do voluntariado. A actividade estará limitada a un máximo de 20 persoas.
Tamén, se tes algunha pregunta, podes contactar a través do correo coutodaeirexinha@gmail.com
Agardámoste!
Programa do voluntariado ambiental*
9:45 h – Punto de encontro na casa do pobo de Rebordelo
10:00 h – Inicio da actividade de deseucaliptización
14:00 h – Xantar na casa do pobo de Rebordelo
16:00 h – Roteiro interpretativo pola comunidade de montes
18:00 h – Fin da xornada
* A actividade inclúe os seguros de responsabilidade civil e de accidentes ademais do xantar.
