Traballo en rede

Desde o Couto da Eirexiña traballamos en rede con outras iniciativas galegas co fin de conservar e proxetexer o patrimonio natural e cultural da parroquia de Rebordelo. Anímate a coñecelos!

Proxecto Ríos


O Proxecto ríos é un programa de educación e voluntariado ambiental baseado na inspeccións de ríos por voluntarias/os mediante a análise das características biolóxicas, físico-químicas, hidromorfolóxicas e patrimoniais dos ecosistemas fluviais. No Couto da Eirexiña levamos desde o 2015 inspeccionando un treito do río Almofrei


Cousa de Raíces


Cousa de Raíces é unha campaña que xorde por iniciativa do colectivo ecoloxista ADEGA e que está conformada por máis de 60 entidades e colectivos dispostas a traballar baixo un mesmo obxectivo: defender o bosque autóctono a través do seu coñecemento e posta en valor. Desde o Couto da Eirexiña sumámonos a esta campaña a prol dos bosques

Bosques con Vida


Bosques con Vida é un programa de voluntariado ambiental para intervir na mellora ambiental do monte de Rebordelo. A primeira acción realizámola en outubro do 2018 cunha xornada de repoboación con árbores autóctonas nunha área afectada polos de lumes forestais de outubro de 2017, xunto cunha xornada de restauración de charcas

Charcas con Vida


Charcas con Vida é unha iniciativa de ciencia cidadá que nace coa intención de difundir os valores das charcas e de contribuír ao seu estudo, conservación e catalogación. No Couto da Eirexiña restauramos e monitorizamos un conxunto de charcas situadas nunha antiga corta mineira no monte comunal, onde ademais realizamos periodicamente estudos de biodiversidade

Brigadas deseucaliptizadoras


As Brigadas deseucaliptizadoras teñen como obxectivo realizar accións de voluntariado ambiental de erradicación de especies exóticas invasoras co fin de substituílas por outras autóctonas de alto valor ecosistémico. Desde o Couto da Eirexiña organizamos desde agosto de 2018 brigadas deseucaliptizadoras no monte comunal de Rebordelo. Queres unirte e ser brigadista?

Atlas de mamíferos de Galicia


O Atlas de mamíferos de Galicia é un proxecto de ciencia cidadá que pretende recoller información sobre a presenza de mamíferos terrestres no territorio galego co fin de aumentar o coñecemento das poboacións destes mamíferos. Desde o Couto da Eirexiña realizamos estudos de biodiversidade mediante cámaras de fototrampeo para contribuír con esta iniciativa