O vindeiro sábado 11 de febreiro, desde o Couto da Eirexiña, sumámonos á xornada simultánea de restauración ambiental promovida por Cousa de Raíces. Desta volta realizaremos traballos de deseucaliptización no monte comunal de Rebordelo.
E despois do xantar, co fin de poñer en valor os traballos que está a facer a comunidade de montes, faremos un roteiro interpretativo polos terreos comunais.
Queres participar nesta actividade?
Se queres participar neste voluntariado ambiental podes inscribirte desde esta ligazón:
A data límite para a inscrición será o vindeiro xoves 9 de febreiro ás 13:00h, co fin de que poidamos ter tempo para formalizar o seguro e preparar o xantar. A actividade estará limitada a un máximo de 20 persoas.
Tamén, se tes algunha pregunta, podes contactar a través do correo coutodaeirexinha@gmail.com
Agardámoste!
Programa do voluntariado ambiental*
9:45 h – Punto de encontro na casa do pobo de Rebordelo
10:00 h – Inicio da actividade de deseucaliptización
14:00 h – Xantar vexetariano na casa do pobo
16:00 h – Roteiro interpretativo polo monte comunal
18:00 h – Fin da xornada
* A actividade inclúe os seguros de responsabilidade civil e de accidentes ademais do xantar vexetariano
