O sábado 11 de decembro, co gallo do día internacional das montañas, realizamos un novo voluntariado ambiental no Couto da Eirexiña. Nesta xornada imos deseucaliptizar unha das áreas que se están a restaurar na comunidade de montes de Rebordelo.

E  co fin de poñer en valor a importancia das montañas, pola tarde imos facer un roteiro interpretativo polo monte comunal da parroquia. Durante este roteiro coñeceremos o seu patrimonio natural, así como os labores de restauración ambiental que están a facer desde a comunidade de montes. Tamén amosaremos o impacto ambiental que suporía a construción do parque eólico dos Cotos que afectaría a unha importante superficie do Couto da Eirexiña.

Queres ser voluntaria/o nesta actividade?

Se queres participar nesta actividade, podes inscribirte desde esta ligazón:

Formulario

A data límite para a inscrición  será o vindeiro xoves 9 de decembro ás 13:00h, co fin de que poidamos ter tempo para formalizar o seguro e preparar o xantar. A actividade estará limitada a un máximo de 20 persoas, e para realizala será obrigatoria a utilización de máscaras, ademais de manter a distancia de 1.5-2 metros.

Tamén, se tes algunha pregunta, podes contactar a través do correo coutodaeirexinha@gmail.com

Agardámoste!

Programa do voluntariado ambiental*

9:45 h – Punto de encontro na casa do pobo de Rebordelo

10:00 h – Inicio da actividade de deseucaliptización

14:00 h – Xantar vexetariano na casa do pobo

16:00 h – Roteiro interpretativo polo monte comunal de Rebordelo

18:00 h – Fin da xornada

* A actividade inclúe os seguros de responsabilidade civil e de accidentes ademais do xantar vexetariano